بین الاقوامی ماحولیاتی کانفرنس: ہمالیائی خطے کے گلیشیئرز کے تحفظ پر عالمی اتفاق

جنیوا: سوئٹزرلینڈ کے شہر جنیوا میں منعقدہ بین الاقوامی ماحولیاتی سمٹ میں عالمی ماہرینِ ارضیات اور ماحولیات نے ہمالیائی اور قراقرم کے پہاڑی سلسلوں پر گہری تشویش کا اظہار کیا ہے۔ کانفرنس میں خبردار کیا گیا ہے کہ عالمی درجہ حرارت میں مسلسل اضافے سے گلیشیئرز غیر معمولی رفتار سے پگھل رہے ہیں۔

ماہرین نے بتایا کہ کشمیر، گلگت بلتستان اور ملحقہ بالائی خطے اس موسمیاتی تبدیلی کی فرنٹ لائن پر واقع ہیں۔ گلیشیئرز پگھلنے کے نتیجے میں ندی نالوں میں غیر متوقع طغیانی اور مستقبل قریب میں پانی کی سنگین قلت کا سامنا ہو سکتا ہے۔